“நாம்” அறிமுகம் “சிங்கப்பூரில்”

  மார்ச் 23 ஞாயிற்றுக்கிழமை மாலை 5.00 மணிக்கு சிங்கப்பூரில் அமைந்துள்ள பொட்டானிக்கல் கார்டன் (பூமலை) யில் தமிழகத்தில் இருந்து வெளிவரும் நாம் காலாண்டிதழ் – ( தனிச்சுற்றுக்கு மட்டும் ) இயற்கையோடு இயைந்த சூழலில் அறிமுகப்படுத்தப்பட்டது. 

இந்நிகழ்வினை தன்முனைப்பு பேச்சாளர் கண்டனூர் சசிகுமார் நெறிப்படுத்திச் செல்ல, ஆசிரியை திருமதி உஷா அவர்கள் தமிழ்த்தாய் வாழ்த்துப் பாட நிகழ்வு தொடங்கியது. தொடக்கத்தின் வரவேற்புரையை கவிஞர் கோட்டை பிரபு மேற்கொண்டார். இதனையடுத்து நாம் இதழ் பற்றிய அறிமுகம் தனை இதழின் ஆசிரியர்களில் ஒருவரான கவிஞர் சின்னபாரதி எடுத்துரைத்தார். அதன் பின் ஆசியான் கவிஞர் .து.மு.இக்பால் மற்றும் சிங்கை தமிழ்ச் சங்கம் தலைவர் .வை.கிருஸ்ணசாமி இருவரும் நாம் இதழின் முதல் பிரதியை வெளியிட முறையே எழுத்தாளர் புதுமைத்தேனி அன்பழகன் ஒலி 96.8ன் மூத்த செய்தி தயாரிப்பாளர் செ..பன்னீர்செல்வம் பெற்றுக்கொண்டனர்.

 கவிஞர் .வீ.விசயபாரதிபா வாழ்த்து தூவ, கவிஞர்கள் பிச்சினி காட்டு இளங்கோ, மலர்விழி இளங்கோவன் பட்டிமன்ற பேச்சாளர்கள் முனைவர் இரத்தின வேங்கடேசன்,  சொல்லருவி சிவக்குமார், ஒலி 96.8ன் மூத்த செய்தி தயாரிப்பாளர் செ..பன்னீர்செல்வம், எழுத்தாளர் இரா..கண்ணபிரான் உள்ளிட்டோர் இதழை தொட்டு தங்களின் எண்ணப்பாடுகளை வெளிப்படுத்தினர். 

நிகழ்விற்கு கவிஞர்கள் முருகடியான், .வி சத்தியமூர்த்தி, பாலுமணிமாறன், தமிழ்க்கிறுக்கன், அறிவுநிதி, தில்லை சா.வீரையா, மணிசரவணன்,  கலைக்கண்ணன், மதிவாணன், திருமுருகன் கோ.கண்ணன், சுகுணாபாஸ்கர், நவநீதன்ரமேஷ், கோ.கண்ணன், கவி ரமேஷ், அகரம் அமுதா, முருகன், செங்குணம செல்வா, காளிமுத்து பாரத், எழுத்தாளர்கள் முனைவர் லெட்சுமி, எம்.கே.குமார், ராம.வைரவன், ராமச்சந்திரன், சுப.அருணாச்சலம் சமுக ஆர்வளர் துரைபிரசாந்தன், அண்ணாத்துரை, யுத்திராபதி, பாலா நாடக நடிகர் இப்ராகிம், ஓவியர்.கா.பாஸ்கர், பட்டிமன்ற பேச்சாளர் ஸ்டாலின் உள்ளிட்ட 75ற்கும் மேற்பட்ட தமிழ் ஆர்வளர்கள் இயற்கையோடு இயைந்த திறந்த வெளியில் சிங்கப்பூரில் நடைபெற்றது சூழ்நிலையால் நிகழ்வில் கலந்துகொள்ள முடியாதுபோனவர்களுக்கு ஆச்சர்யத்தை ஏற்படுத்தியிருக்ககூடும்.  

Advertisements

“நாம்” அறிமுகம்

 

தமிழகத்தில் வெளிவந்துள்ள “நாம்” காலாண்டு இலக்கிய இதழ்பற்றி சிங்கப்பூரில்  மார்ச் 23 அன்று நடைபெறவிருக்கும் அறிமுகமும் கலந்துரையாடலும் பற்றிய விரிவான அழைப்பிதழ் பின்னிணைக்கப்பட்டுள்ளது.

naam-invite.pdf

ஒரு கனவு நனவாகிறது

 

புதிதாகநாம்எனும் காலண்டுஇதழ் (தனிச்சுற்றுக்கு மட்டும்) இந்த மாதம் முதல் வெளிரவிருக்கிறது. “நாம்பற்றி பிரிதொரு தருணத்தில் விரிவாக எழுதுகிறேன். “நாம்” -1 ன் அட்டைப்படத்தை இணைத்துள்ளேன்.

n-1.pdf

இன்பம் நிறைத்த இரவுக்கதம்பம் !!!

எல்லா  இரவுகளும் ஒன்றல்ல 

ஆண்டுக்கு ஒருமுறை ஒட்டடை வெள்ளையடிக்கும் பொழுது பரனில் இருந்து  இரக்கிவைக்கப்படும் பல பொட்டனங்களில் சில புத்தகங்களா இருக்கும். தூசி தட்டுவதற்காக திறக்கப்படும் பொமுது அட நாம் இது எல்லாம் முன்பு படித்தில்லோம் மீண்டும் ஒருமுறை படிக்கவேண்டும் என்று மறதியுடைய ஞாபகப்பொட்டில் ஏற்றிவிட்டு மீண்டும் அடுத்தடுத்த ஆண்டுகளில் பிரிக்கப்படும்பொமுதும் தொடர்கதையாய்……….. 

அப்படித்தான் இரவுக்கதம்பமும் என்னுள்ளே…….. 

13.10.07 இரவு தொடங்கி மறுநாளைய காலைபொழுதுவரை சந்தித்தோம். எவ்வித சலனமும் ஏற்படுத்தாத இரவு என்றாலும் என்றைக்கும் இல்லாததாய் அன்று கொஞ்சம் மாறுபட்டிருந்தது. ஒரே நோக்கத்தில் சந்திக்கும் பல நண்பர்கள் அந்நோக்கங்களை சற்றே ஒதுக்கிவைத்துவிட்டு சந்தித்தால் என்ன என்ன நிகழக்கூடும் என்ற எண்ணப்பாட்டின் சாத்தியப்பாடுகளில் சிலவற்றை இந்த நிகிழ்வு தொட்டுச் சென்றதில் மகிழ்ச்சியே. இந்நிகழ்வு பற்றி விரிவாக எழுதவேண்டும் என்று நினைவலையில் எழுந்ததுடன் சரி 12.03.08 அன்று நண்பர் பிரபுவுடன் பேசிக்கொண்டிருந்த பொழுது கொஞ்சம் நினைத்துப்பார்க்கத்தொடங்கினேன். எழுதவேண்டும் எப்பொழுது என்றுதான் தெரியவில்லை 

அதுவரையில் நண்பனின் (கோட்டை பிரபு) பதிவினை உங்களுக்காக இங்கு இட்டுச்செல்கிறேன் 

பின்பரும் பதிவு நண்பர் கோட்டை பிரபு எழுதியது  

இன்பம் நிறைத்த இரவுக்கதம்பம் !!!     

எல்லா இரவுகளும் வெறுமையைச் சுமந்தே விடியும் பொழுதுகளுக்கிடையே என்னை வியப்பில் ஆழ்த்திய ஓர் இரவு.      

ஆம், கடந்த வெள்ளி இரவு சிங்கை கிழக்கு கடற்கரையில் உறங்காத கடலோடு உறவாடியது ஓர் கூட்டம். அதிலே கவிஞர்கள், பாடகர்கள், பேச்சாளர்கள் , விகடகவிகள் ஆகியோர் அங்கம் வகித்தனர்.   

   அறிந்த முகங்களின் அறியாத அகப்பக்கங்களை, அவர்கள் கடந்து வந்த பாதைகளை பகிர்ந்துகொள்ள குழுமிய கூட்டம் அது.      

இரவுக்கதம்ப நிகழ்ச்சியின் ஒருங்கிணைப்பாளர் கவிஞர் சத்தியமூர்த்தி அய்யா அவர்கள் வந்திருந்த அனைவரையும் அன்போடு வரவேற்று  இரவுக்கதம்ப நிகழ்ச்சியின் சாராம்சங்களை விளக்கினார்.        

  ஆரம்ப நிகழ்ச்சியாக, தமிழ்த்தாய் வாழ்த்து  கவிஞர். இனியதாசன் அவர்கள் இயற்றிப் பாடினார்கள். தொடர்ந்து அங்கத்தினர் அனைவரும் அன்போடு கைகுலுக்கி வணக்கத்தோடு அறிமுகங்களை அரங்கேற்றினர்.       

  பின்னர், செவிக்கும், விழிக்கும் விருந்துகள் காத்திருக்க அதற்குமுன் வயிற்றுக்கும் உணவுகள் பரிமாறி உண்டு மகிழ்ந்தனர்.  

 அதைத்தொடர்ந்து, அவரவர் தனித்திறன்கள் திறம்பட பறைசாற்றப்பட்டன. அதில் கீழைக் கதிர்வேல் அவர்களின் நகைச்சுவை வெடிகள் கொளுத்தப்பட்டன.அது சரவெடிகளாய் சஞ்சரித்தன. தில்லை வீரையா தனது ஆர்வமான நடனத்தின் மூலம் அனைவரின் மனம் கவர்ந்தார்.    

 கவிதைக்கான ஆரம்பங்களும் , அது உருவான அகவையும் அதற்கான சுற்றுப்புறங்களும் பற்றிய செய்திகள் கவிஞர்கள் நீதிப்பாண்டி ,இரமேஷ் ஆகியோரிடமிருந்து வெளிப்பட்டன.   

 காதல் மனிதனை மனிதனாக்கும்.   

காதல் மனிதனை கவிஞனாக்கும்.   

என்றும்,அத்தகைய சுகமான சுமைகளை இன்றும் சுமக்கிறோம் என்பதாக அமைந்திருந்தது மனிசரவணன், கோவிந்தராஜ் ஆகியோரின் பேச்சுக்கள். திரு கண்டணூர் சசிக்குமார் அவர்கள் நினைவாற்றலுக்கான பயிற்சி வகுப்பு நடத்தினார். அது அனைவருக்கும் மிகப்பயனுள்ளதாக இருந்தது. 

      அதைத்தொடர்ந்து, அனைவரும் இரு அணியாகப் பிரியப்பெற்று பாட்டுக்குப்பாட்டு நிகழ்ச்சி நடந்தது. அதில் தமிழ்த் திரைப்படப் பாடல்களின் முதல் எழுத்தை அடிப்படையாகக் கொண்டு பாடல்கள் இசைக்கப்பட்டன. இராகங்களின் வேகங்களை ஒத்து கைத்தாளங்கள் கைகோர்த்துக் கொண்டதில் இசைவெள்ளம் இன்பமாய் நிறைந்தது. இப்போட்டியின் நீதிபதியாக கவிஞர் சத்தியமூர்த்தி அவர்கள் ஆர்வத்தோடு பணியாற்றினார்கள்.  

 பொழுது புலரத்தொடங்கியது விளங்கியது. பின்னர், விளையாட்டில் ஆர்வமுள்ள நண்பர்களால் தமிழக பாரம்பரிய விளையாட்டான சடுகுடு ஆடப்பட்டது. திரு. சசிக்குமார் அவர்கள் நடுவராக செயல்பட்டார்    

  இறுதியாக, இரவுக்கதம்பம் நிகழ்ச்சியின் ஒருங்கிணைப்பாளர் சத்தியமூர்த்தி அவர்கள் அனைவருக்கும் நன்றி நவிழினார்.     

 ஒருவருக்கொருவர் விடைபெற்றுக்கொண்டு பிரிந்து செல்கையில், ஏனோ ஒருவித பிரிவின் வெளிப்பாடு  எல்லோர் முகங்களிலும்  தென்பட்டது. அதுதான் இரவுக்கதம்பத்தின் வெற்றி என்பதை அனைவரும் உணராமல் இல்லை     

           மகிழ்வுடன்,

கோட்டை பிரபு