qw

நேற்று ஒரு முகம் இருந்தது
இன்று ஒரு முகம் இருக்கிறது
நாளை ஒரு முகம் இருக்கும்
முகம் பற்றி பேச வேண்டாமென
முகமறிந்த ஒரு முகம் சொல்கிறது
முகம் முகம்மல்லவென்று.

Advertisements

மந்தையிலிருந்த ஆடுகள் ம்மே என்றது
மந்தையிலிருந்து வெளியேறிய முதல் ஆடு ம்மே என்றது
மந்தையிலிருந்து வெளியேறிய இரண்டாவது ஆடும் ம்மே என்றது
மந்தையிலிருந்து வெளியேறிய மூன்றாவது ஆடும் ம்மே என்றது
மந்தையிலிருந்து வெளியேறிய 4வது ஆடு மௌனமாக கடந்து சென்றது

aaa

பப்பலோ ரோட்டின்
கோமள விலாஸ் ரெஸ்டாரண்டில்
ரவா தோசை
தோசையாகவே இருந்தது

ஓவியம்: பப்பலோ ரோட்டின் ஒரு கடை சுவற்றில் வரைந்திருந்தது

நீண்ட நாட்களுக்கு பிறகு இந்த நேரத்தில் தேக்காவில்… கிருபா ரோடு குடை கேண்டியன் மாறிவிட்டது. வெகு சிலர் தான் மது அருந்துவதை பார்க்க முடிந்தது. என்னருகில் ஸ்டிரா போட்டு கிங்பிஷர் குடிப்பவரையே சில நிமிடங்கள் பார்த்துக் கொண்டிருந்தேன் ஒரு போத்தலை நீண்ட நேரமாக குடித்துக்கொண்டிருந்தார். பருக்கைகளை கொத்தி தின்ன வரும் புறாக்களுக்கு என்ன ஆனது.. சிக்சிக் என்று குரல் எழுப்பி கள்ள சிகரெட் விற்பன்னர்கள் இன்னும் அலைந்து திரிகின்றனர். யாரைப்பற்றியும் கவலையற்ற ஒருவன் உரத்த குரலில் குடும்ப பிரச்சினையை தொலைபேசிக்குள் தீர்க்க முயன்று கொண்டிருந்தான். ஆந்திரா மெஸ்ஸின் அடையாளங்கள் அப்படியேத்தான் இருந்தது. நிறைய மனிதர்கள் தனித்து கைபேசியில் லயித்துப்போயிருந்த இந்தப் பொழுதில் நான் என்னவானேன்.

தீராகாதல்
உன் முத்தம்

கொஞ்சம் பைத்தியமாதல்
உன் மீதான காதல்

உன்னோடு இப்போதும் பேசிக்கொண்டுதான் இருக்கின்றேன்,

என்ன கேட்டாய் என்று நீதான் சொல்ல வேண்டும்.

ஒரு வகை முத்தம்
‘ம்க்கூம்’

மழை ஞாபகம்
உன் முத்தங்கள்

#பாண்டித்துரை