சிங்கப்பூர் – சில நிகழ்வுகள் – 2

(மார்ச்-09)

 

அநங்கம்

 

மலேசியதீவிர இலக்கிய   இதழான “அநங்கம்” மூன்றாவது இதழ் மார்ச்-09 மாதத்தில் சிங்கப்பூர் ஆங் மோ கியோ பொது நூலகத்தில், வாசகர் வட்டம் ஏற்பாட்டில் நடைபெற்றது.

 

இயந்திரங்களுக்கு மத்தியில் சிக்கி பதட்டமான ஒரு நிலையில் இன்று நாங்கள் வந்திருந்தாலும், இங்குள்ள இலக்கியச் சூழல் எனக்கு மிகவும் பிடித்தமான ஒன்றாக இருக்கிறது என்று பேசத்தொடங்கிய மலேசிய எழுத்தாளரும், அநங்கம் இதழுமான ஆசிரியர் கே.பாலமுருகன் நுகர்பொருள் சந்தையை கடந்து சிற்றிதழ்கள் வெற்றியடைய வேண்டிய முன்வைத்து “அநங்கம்” என்றால் என்ன என்று கேட்பவர்களுக்கு அகராதியை புரட்டவேண்டியிருக்கிறது என்று வினவி, ஆகாயம் என்றபோது என் அரூபமான எண்ணப்பாடு

 

சிதைவுக்குள் உட்பட்டது. சுதந்திரமான வெளியை சிற்றிதழ்கள் அடையவேண்டும். வரலாற்றை புரட்டிப்பார்த்தால் (எனக்கு இப்போதெல்லாம் வரலாற்றை புரட்டும் போது ஒரு வித பயம் ஏற்படுகிறது) கடாரம் மண் பல எழுத்தாளர்களை உருவாக்கியிருக்கிறது. அந்த மண்ணில் ஒரு சிற்றிதழ் வரவேண்டும் என்ற எண்ணமும், ஆர்வமும்தான் காரணம். இதழின் நோக்கம், சிற்றிதழ்கள் எதிர் நோக்கும் பிரச்சினைகள் என்று சொற்களை கோர்க்கும் முன் தெரிந்து விழுந்தன வார்த்தைகள்

 

வெகுஜனப் பத்திரிக்கை தீவிரப்பத்திரிக்கையின் வேறுபாட்டை முன்வைத்து, வெகுஜனப் பத்ரிக்கையால் துண்டாப்பட்ட சிறுகதையை உள்ளடக்கி பேசிய மலேசிய மூத்த எழுத்தார் கோ.புண்ணியவான், வல்லினம் இதழ் பெண்ணியம், தலித்தியம் என சிற்றிதழ் தீவிரத்தை கோட்பாடு சார்ந்த இலக்கியங்களை முன்னிருத்துகிறது. பெண்ணியச் சிந்தனை வெளிவர இன்று அநங்கம், வல்லினம் இருக்கிறது என புதிய வெளி திறந்ததற்கான சாளரத்தை முன்நிறுத்தினார்.;

 

மூகமூடிகளை கலைந்து மகிழ்ச்சிக்குரிய பயணம்  என்றுச் சொல்லி, மலேசிய கவிதை இதழமான “மௌனம்”-த்தின் நிலைப்பாடும் போக்கும் கவிதை குறித்த தீவிரம், அதற்கான புரிதல் களம் என்ற செய்திகளை எழுத்தாளரும் “மௌனம்” இதழின் ஆசிரியருமான ஜாசின் தேவராஜ் இறுக்கம் தளர்ந்து மிக சுருக்கமாக பேசினார்

 

அநங்கம் இதழுக்கு வலுவான தொடக்கமாக  இருந்த சிறுகதைகளை சுட்டி வெளிவந்த மூன்று இதழ்களுக்கான சிறுகதைகளை   சிங்கப்ப+ர் எழுத்தாளர் ஜெயந்தி சங்கர் அவர் எழுதிய சிறுகதையையும் முன்வைத்து, அந்தந்த சிறுகதையின் பயணப் போக்கில் பயணப்பட சிங்கப்பூர் எழுத்தாளர் இராம.கண்ணபிரான் அநங்கம் பத்திகளை முன்வைத்து அவரது கருத்துக்களை பகிர்ந்துகொண்டார். 

 

நிறைவான கலந்துரையாடலின்  நிறைவற்ற தேகத்தோடு மறுநாள் விடிந்தது.

 

○ பாண்டித்துரை

©pandiidurai@yahoo.com

“அநங்கம்”

 

2007ல் மலேசிய இதழான காதல்“” சிங்கப்பூரில் வாசகர் வட்டம் நண்பர்களால் அறிமுகப்படுத்தப்பட்டது. இன்று காதல் இதழ் வெளிவரவில்லை எனினும் காதல் இதழ் மலேசிய மகாணங்களில் சில விதைகளை தூவியிருக்கிறது. அதில் விட்ட முளையாகத்தான் அநங்கம் இதழினை பார்க்கத்தோன்றுகிறது. மலேசியாவின் கெடா மகாணம், குறிப்பாக சுங்கைப்பட்டாணிக்கு மலேசிய இலக்கியத்தில் தனிச்சிறப்பு இருக்கிறது. அங்கிருந்துதான் அநங்கம் அரும்பியுள்ளது.

 

சமீபகாலமாக தமிழக சிற்றிதழ்களில் தொடர்சியாக தனது படைப்புகளை அளித்து வரும் மலேசிய இளம் எழுத்தாளர் கே.பாலமுருகன், மற்றும் அவரது நண்பர்கள் இணைந்து அநங்கம் இதழினை வெளியிட்டுள்ளனர். தீவிர எழுத்தாளர்களையும், விமர்சகர்களையும், வாசகர்களையும் இணைப்பது என்ற எண்ணத்தில் இதுவரை இரு இதழ்கள் வெளிவந்துள்ளன.

 

இதன் தொடர்ச்சியான மூன்றாவது இதழ் சிங்கப்பூரில் வாசகர் வட்டம் நண்பர்களால் வரும் சனிக்கிழமை 14.03.2009 அன்று, மாலை 4.30 மணிக்கு ஆங் மோ கியோ நூலகத்தில் தக்காளி அறையில் (இரண்டாவது தளம்) நடைபெறுகிறது.

 

நிகழ்வில் இதழ் ஆசிரியர் கே.பாலமுருகன் மலேசிய மூத்த எழுத்தாளர்கள் சை.பீர்முகம்மது, கோ.புண்ணியவான்  உள்ளிட்ட பல எழுத்தாளர்கள் கலந்துகொண்டு அறிமுகம் மற்றும் கலந்துரையாடலாக நிகழ்வு முன்னெடுத்துச் செல்லப்படுகிறது. முழுநாள் பயணத்தை இரண்டு மணிநேரத்தில் கடக்கவிருக்கும் மலேசிய எழுத்தாள நண்பர்களுக்காகவும், வாசகர்களையும் எழுத்தாளர்களையும் அடுத்த கட்ட நகர்விற்கு இட்டுச் செல்லும் வாசகர் வட்ட நண்பர்களின் முயற்சிக்காகவும் நிகழ்வில் கலந்துகொண்டு சிறப்பிக்க…

 

அன்புடன் அழைப்பது

பாண்டித்துரை  82377006

 

anangam-1

2008 திரும்பிப் பார்க்கிறேன்

happy2008

அட! அதற்குள் 2008 கடந்துவிட்டதா, என்பதை தவிர திரும்பிப்பார்த்தால் எல்லாம் மகிழ்வான தருணங்களாகத்தான் இருந்திருக்கிறது.

 

2008-ன் துவக்கத்தில் நாம் என்னும் காலாண்டிதழை நண்பர்களுடன் ஆரம்பித்தது, பிரம்மா என்னும் கவிதை தொகுப்பினை (எனது முதல் கவிதை தொகுப்பு) நான்கு நண்பர்களுடன் இணைந்து வெளியிட்டது, அம்ருதா, யுகமாயினி, வடக்குவாசல், உயிரெழுத்து, அநங்கம், உயிரோசை (இணையம்) இதழ்களில் எனது படைப்புகள் வெளிவந்தது, முதல் தொலைக்காட்சி படைப்பு (சிங்கப்பூர் வசந்தம்), சிங்கப்பூரின் நிரந்தர குடியுரிமை (PR) பெற்றதுடன் அடுத்த ஆண்டு என் ஊரில் எழுந்து நிற்கப்போகும் குடியிருப்புக்கு அடித்தளம் போட்டது வரை எல்லாம் மகிழ்வான தருணங்களே.

 

என்ன பாண்டி, அப்ப துன்பங்களே இல்லையா? என்றால்

 

இருக்கிறது!

 

ஆகக்கொடிய வலியினை மார்ச்-08  மத்தியில் அரவணைத்துக்கொண்டேன். இதன் வீச்சு இதயத்தில் துளையாய் இன்னும் இருக்கிறது. 2009-தினை இன்முகமாக வரவேற்க எல்லோரும் எழும் தருணத்திலும் என்னுள்ளேயான துன்பத்தின் சாயலை வெளிக்கொணர விரும்பவில்லை.

 

எப்பவும் அழாதடா, சிரிச்ச முகமாக இரு. இல்லை இல்லைனு சொல்லாத, எல்லாம் உன்னிடம் இருக்கிறது. வரும்! எல்லாம் ஒவ்வொன்றாய். உன்னைச் சுற்றிலும் மெழுகின் ஜோதியைத்தான் நீ நிரப்ப வேண்டும் என்று சொன்ன தோழி நினைவுக்கு வருகிறாள் இவானோடு! .

 

அதற்கான முயற்சியாய் 2008ன் துன்பங்களோடு

 

இனி

எனக்கான வலியினை

யாரிடமும் சொல்லப்போவதில்லை

ஏன்

என்னிடம் கூட!

 

2009 ன் துவக்கத்தில் எதற்காக காத்திருக்க போகிறாய் என்றால்

 

ஒரு கவிதைக்காக!!!

 

2008 ன் துவக்கத்திற்கான முதல் நாளிரவு அழகான ஒரு கவிதையை மனம் சுமந்துநின்றது, அந்த கவிதையை இந்த நேரத்தில் நினைத்துக்கொள்கிறேன்.

 

 

கவிதைக்கான காத்திருத்தலோடு

பாண்டித்துரை

 

@pandiidurai@yahoo.com