சிங்கப்பூர்த் தமிழ் எழுத்தாளர்க் கழகமும், பெக்கியோ சமூகமன்றத்தாரும் இணைந்துப் படைக்கும் கவிச்சோலை நிகழ்வு வரும் ஞாயிறு மாலை (03-10-2010) பெக்கியோ சமூகமன்றத்தில் நடக்கவுள்ளது.. (Near farrer park mrt – owen road – cambridge road)
நிகழ்வில் படித்த, பிடித்த,வடித்தக் கவிதைகள் அங்கமும், முகவை இராம் அவர்களின் “பிள்ளைத்தமிழ்“ இலக்கிய உரையும் இடம்பெறும்.
இம்மாத போட்டிக் கவிதையின் தலைப்பு “பகலில் தோன்றிய நிலவு”…
நண்பர்களே,
ஏப்ரல் மாத இலக்கிய வட்டம் கூட்டத்திற்கு வாருங்கள் என அழைக்கிறோம்.
நேரம்: ஞாயிறு ஏப்ரல் 4- பிற்பகல் மணி 3
இடம்: கல்லாங் சமூக மன்றம் (கம்யூனிடி க்ளப்) -பூன் கெங் எம்- ஆர்- டி அருகில்
பேசுபவர். திரு. முகவை இராம்குமார்
தலைப்பு : சிலம்பில் கண்ட சில செய்திகள்
அனவரும் வந்து சுவைக்குமாறு அன்புடன் வேண்டிக்கொள்கிறோம்.
கேட்டவ(ர்) உள்ளம் கிறுகிறுத்துப் போம்வண்ணம்
தீட்டுவார் தம்முரையைத் தித்திக்கக் – கூட்டமாய்
ஏறிடுவோம் மாடி இவருரை
என்கின்ற வாரி நனைந்திடலாம் வா.
அகவை சிறிதுதான் ஆயினும் பேச்சில்
முகவையார்க் குண்டு முதன்மை – தகவுடனே
சீராய் நமக்குச் சிலம்பின் சிறப்பெல்லாம்
காரா(ய்)ப் பொழிந்திடுவார் காண் .
சிலம்பில் ரசித்தபல செய்திகள் பற்றி
நலம்படச் சொல்லிடுவார் நண்பர்- விளம்புவதை
நாட்டமுடன் கேட்டுநீ நன்மை பலகாணத்
தேட்டையுடன் அங்கு திரள்.
சேதிபல கண்டார் சிலம்பி(ல்) இவர்தானும்,
ஆதியோ(டு) அந்தம் அவைதருவார் – யாதொன்றும்
சாக்குநீ கூறாமல் சட்டென்றே அங்குறுதல்
ஆக்கமுறு(ம்) ஆறென் றறி.
அன்புடன் வரத ராஜன்.
இனிஆரம்பம்... 