வீடு தேடி வரும் கோலம் – ஞாநி

நல்ல படங்கள் வரவேண்டுமென்று எங்களைப் போல உங்களுக்கும் ஆசை உண்டா?

அதற்காகவே கோலம் வீடு தேடி வரும் பட இயக்கத்தை தொடங்கியிருக்கிறோம்.

கோலம் இயக்கம், வருடத்துக்கு மூன்று முதல் ஐந்து முழு நீள வீடியோ படங்களைத் தயாரிக்க விரும்புகிறது. இது சாத்தியம்தானா ? நல்ல படங்கள் வரவேண்டுமென்று ஆசைப்படும் ஆயிரக்கணக்கானவர்கள் ஒவ்வொருவரும் தங்கள் பங்களிப்பைப் படம் வருவதற்கு முன்பே அளித்தால் சாத்தியம்.

நீங்கள் செய்ய வேண்டியது என்ன ? முதல் படத்தின் டி.வி.டிக்கான முன்பதிவு தொகையாக ஐநூறு ரூபாய்களை செப்டம்பர் 15, 2009க்கு முன்னதாக எமக்கு அனுப்பவேண்டும். அக்டோபரில் படப்பிடிப்பைத் தொடங்குவோம். நவம்பரில் படம் முழுமையாகி அதன் ஒரிஜினல் டி.வி.டி உங்கள் வீட்டுக்கு நேரடியாக வந்து சேரும். இதே போல மூன்று மாதங்களுக்கு ஒரு முறை சில ஆயிரம் பேர் ஆளுக்கு ஐநூறு ரூபாய் அனுப்பி டி.வி.டி முன்பதிவு செய்தால்….. தொடர்ந்து தமிழிலும் பிற மொழிகளிலும் உள்ள நல்ல நாவல்கள், சிறுகதைகள், இன்றைய சமூகத் தேவைக்கு உகந்த படைப்புகள், அவற்றை உருவாக்கக் கூடிய புதுப் புது படைப்பாளிகள், கலைஞர்கள் நம் வீட்டுக்குள்ளேயே வந்து டி.வி.டிகளாக நம்மை சந்திப்பார்கள். படைப்பாளியும பார்வையாளரும நேரடியாக உறவு கொள்ளும இயக்கமே கோலம். எண்ணற்ற புள்ளிகளாக பார்வையாளர்கள் இருக்கிறார்கள். இந்தப் புள்ளிகளை இணைத்து ஒரு கோலம் வரையும் படைப்பாளிகளின் அமைப்பு கோலம்.

இந்த முயற்சியைப் பற்றி உங்கள் ஒவ்வொரு நண்பருக்கும் சொல்லுங்கள். ஒவ்வொருவரையும் முன்பதிவு செய்து இந்தக் கனவு மெய்ப்பட, உதவச் சொல்லுங்கள். முக்கியமானது காலத்தே செய்யும் உதவி. எனவே அடுத்த 24 மணி நேரத்துக்குள் உங்கள் முன்பதிவுத் தொகை எமக்கு வந்து எம்மை பிரமிக்கச் செய்யட்டும்.

முன்பதிவுத் தொகையை (இந்தியாவுக்குள்: ரூ 500/-& வெளிநாடுகள்: அமெரிக்க டாலர் 15) கேட்போலைகள், காசுக்கட்டளை அஞ்சல்கள் அனைத்தும் ‘கோலம்’ பெயரிட்டு அனுப்ப வேண்டிய முகவரி: கோலம். மே/பா, ஞாநி 39 அழகிரிசாமி சாலை, கலைஞர் கருணாநிதி நகர், சென்னை 600078. செல்பேசி: 9444024947. மின்னஞ்சல்: kolamcinema@gmail.com நேரடியாக கோலம், a/c no. 007705013590 ICICI K.K.Nagar branch என்ற வங்கிக்கணக்கிலும் பணம் செலுத்தலாம். பதிவு செய்யும்போது உங்கள் பெயர், வயது, பாலினம், தொழில், முகவரி, தொலை¢பேசி, செல்பேசி, மின்னஞ்சல, முதலிய விவரங்களை எங்களுக்குத் தவறாமல் தெரிவியுங்கள்.

ஞாநி

இணையப் பெருவெளியில் சிங்கைவாழ் தமிழர்கள் – 23.08.09 @ தக்காளி அறை

நாள்: 23.08.2009

 நேரம்: மாலை 4.30மணிக்கு

இடம்: அங்மோ கியோ வட்டார பொது நூலகம் தக்காளி அறை (இரண்டாவது தளம்)

இருவர் சந்திக்கும்போது தான் காதல், காமம், குரோதம், என ஒன்றிலிருந்து ஒன்று மாறுபட்டு இந்த பிரபஞ்சம் மெல்ல விரிவடைகிறது.

இவர்களும் சந்திக்கிறார்கள,; விரல் நுனிக்குள் சுருங்கிவிட்ட இணையப் பெருவெளியில் சந்திப்பதுடன் சிந்திக்கவும் செய்கிறார்கள். அறிவியல், ஆன்மீகம், இலக்கியம், அரசியல், சமூகம், மொழி, பண்பாட்டுடன் நட்பின் கரங்களை உயர்த்திப் பிடிக்கும், இவர்களின் இணைய உலக பயண எழுத்தின் நுட்பத்துடன் சந்தித்த தளங்களை…..

சிங்கைவாழ் பதிவர்களான

கோவி.கண்ணன் அவர்கள்

குழலி அவர்கள் அப்பாவி

 முருகேசன் அவர்கள்

 முகவை ராம் அவர்கள்

நம்முடன் பகிர்ந்து கொள்கின்றனர்.

இவர்களுடன் 15-ற்கும் மேற்பட்ட வலைதள எழுத்தாளர்கள் இந்த சந்திப்பில் கலந்து கொண்டு கலந்துரையாடலிலும் பங்கு பெறவிருக்கின்றனர்.

அனுமதி இலவசம்

அன்புடன் அழைப்பது

வாசகர் வட்டம் நண்பர்கள். http://vasagarvattam.blogspot.com

சிங்கை பதிவர்கள் பற்றி அறிந்துகொள்ள விரும்புபவர்களுக்கு www.singaporetamilblogers.blogspot.com

www.sgtamilbloggers.com

 www.tamilveli.com

v.vattam

சிங்கப்பூர் – சில நிகழ்வுகள் – 4

சிங்கப்பூர் தமிழ் இலக்கிய கருத்தரங்கு

(ஜனவரி 2009)

முனைவர் திண்ணப்பன் அவர்களின் முயற்சியில் கடந்த பத்து ஆண்டுகளாக தமிழை விருப்ப பாடமாக படிக்கும் கல்லூரி மாணவர்களை கவிதை, சிறுகதை என்ற வெளிகளுக்குள் இழுத்துச் சென்று எழுத்தின் பிறப்பினை அறிமுகப்படுத்தியும், அதன்வழி பிறக்கவிருக்கும் வாசிப்பாளன், எழுத்தாளனை அடையாளப்படுத்தும் பணியுடன், இந்த ஆண்டு ஜனவரி மாதத்தில் முதன் முறையாக அந்த மாணவர்களுடன் அவர்கள் வாசித்து ஆய்வு செய்த நூல் ஆசிரியர்களை சந்திக்கவைத்து கலந்துரையாடலாக சிங்கப்பூர் தேசிய பல்கலை கழகத்தில் நடைபெற்றது.

மாணவர்களுக்கு தமிழ் சார்ந்த முதல் மேடை அனுபவமாக இந்த நிகழ்வு இருந்திருக்க வேண்டும். ஆனாலும் எந்த பயமும் இல்லை. குழந்தைகளாகத்தான் இருந்தது எல்லோரின் பேச்சும். இவர்களில் ஓராண்டிற்கு பின்னும் எத்தனை பேர் வாசிப்பினை தொடர்கின்றனர் என்பது எப்போதும் என்னுள் எழுகின்ற கேள்விக்குறியாய். கடந்த பத்து ஆண்டுகளில் குறிப்பிடதக்க ஓரிரு எழுத்தாளர்கள் உருவாகியிருக்கின்றர் என்று சொல்லாதது பெரிய வருத்தத்தை தோற்றுவிக்கப்போவதில்லை.

 எழுத்தாளர்களின் முன் மாணவர்களால் வாசிக்கபட்ட ஆய்வுக்கட்டுரையை உள்வாங்கி பின் அதன் எண்ணங்களை தன் சுயம் பற்றியும் மௌனித்தும் பேசிய எழுத்தாளர்களை காணவாவது அடுத்த ஆண்டு அதீதமான பார்வையாளர்களை வரவழைக்க வேண்டும் பாண்டித்துரை

ஆகஸ்ட் மாத வாசகர் வட்டம் நிகழ்வில் – இணையப் பெருவெளியில் சிங்கைவாழ் தமிழர்கள்

v.vattam

நாள்: 23.08.2009

நேரம்: மாலை 4.30மணிக்கு

இடம்: அங்மோ கியோ வட்டார பொது நூலகம்

தக்காளி அறை (இரண்டாவது தளம்)

 

 

இருவர் சந்திக்கும்போது தான் காதல், காமம், குரோதம், என ஒன்றிலிருந்து ஒன்று மாறுபட்டு இந்த பிரபஞ்சம் மெல்ல விரிவடைகிறது.

 

இவர்களும் சந்திக்கிறார்கள,; விரல் நுனிக்குள் சுருங்கிவிட்ட இணையப் பெருவெளியில் சந்திப்பதுடன் சிந்திக்கவும் செய்கிறார்கள். அறிவியல், ஆன்மீகம், இலக்கியம், அரசியல், சமூகம், மொழி, பண்பாட்டுடன் நட்பின் கரங்களை உயர்த்திப் பிடிக்கும், இவர்களின் இணைய உலக பயண எழுத்தின் நுட்பத்துடன் சந்தித்த தளங்களை…..

 

சிங்கைவாழ் பதிவர்களான

 

கோவி.கண்ணன் அவர்கள்

குழலி அவர்கள்

அப்பாவி முருகேசன் அவர்கள்

முகவை ராம் அவர்கள்

 

நம்முடன் பகிர்ந்து கொள்கின்றனர்.

 

 

இவர்களுடன் 15-ற்கும் மேற்பட்ட வலைதள எழுத்தாளர்கள் இந்த சந்திப்பில் கலந்து கொண்டு கலந்துரையாடலிலும் பங்கு பெறவிருக்கின்றனர்.

 

அனுமதி இலவசம்

 

அன்புடன் அழைப்பது

வாசகர் வட்டம் நண்பர்கள்.

http://vasagarvattam.blogspot.com

 

சிங்கை பதிவர்கள் பற்றி அறிந்துகொள்ள  விரும்புபவர்களுக்கு

 

 

http://www.singaporetamilblogers.blogspot.com

http://www.sgtamilbloggers.com

http://www.tamilveli.com

சிங்கப்பூர் – சில நிகழ்வுகள் – 3

உயிர் எழுத்து

(ஏப்ரல்-09)

 

படைப்பிலக்கியத்தை முதன்மை படுத்தி தமிழகத்திலிருந்து வெளிவரும் “உயிர் எழுத்து” இதழின் ஆசிரியர் எழுத்தாளர் சுதீர் செந்தில் அயலக வாசிப்பாளர்களை அதிகரிக்க வேண்டிய எண்ணத்தில் ஒரு வார மலேசிய சுற்றுப்பயணமாக ஏப்ரல் மாதம் வந்திருந்போது ஒரு நாள் மாலைபொழுதை சிங்கப்பூர் வாசகர் வட்டம் நண்பர்களுகளுடன் ஆங் மோ கியோ பொது நூலகத்தில் பகிர்ந்துகொண்டார்.

 

“உயிர் எழுத்து” வெளிவந்ததன் காரணம், அதன் பின் திறந்துகொண்ட சிறுகதைக்கான வெளி, இதன் வழியே இன்னும் பத்தாண்டுகளில் குறிப்பிடத்தக்க சிறந்த எழுத்தாளர்களை நாம் கண்டையக்கூடும் என்பதையும் சொல்லி, இதழ் பற்றிய வாசக எண்ணங்களை அறிவதில் அதீத ஆர்வம் கொண்டிருந்தார்.

 

கவிதை குறித்தான கருத்தரங்கில் கலந்துகொள்ள ஆர்வமாக இருப்பதாகவும், இன்று எழுதிக்கொண்டிருக்கும் கவிதைகளுக்கு சமீபத்தில் மறைந்த கவிஞர் அப்பாஸ்-ன் பங்களிப்பு மிக அதிகம் என்றுரைத்தார்.

 

நிகழ்வில் மலேசிய மூத்த எழுத்தாளர் சை.பீர்முகம்மது உடன், சிங்கப்பூர் எழுத்தாளர் மற்றும் வாசகர்கள் என மிகச் சிலரே கலந்துகொண்டது வாசகர் வட்ட வாசிப்பின் தீவிரத்தை குறைப்பதாகவே தோன்றியது.

சிங்கப்பூர் – சில நிகழ்வுகள் – 2

(மார்ச்-09)

 

அநங்கம்

 

மலேசியதீவிர இலக்கிய   இதழான “அநங்கம்” மூன்றாவது இதழ் மார்ச்-09 மாதத்தில் சிங்கப்பூர் ஆங் மோ கியோ பொது நூலகத்தில், வாசகர் வட்டம் ஏற்பாட்டில் நடைபெற்றது.

 

இயந்திரங்களுக்கு மத்தியில் சிக்கி பதட்டமான ஒரு நிலையில் இன்று நாங்கள் வந்திருந்தாலும், இங்குள்ள இலக்கியச் சூழல் எனக்கு மிகவும் பிடித்தமான ஒன்றாக இருக்கிறது என்று பேசத்தொடங்கிய மலேசிய எழுத்தாளரும், அநங்கம் இதழுமான ஆசிரியர் கே.பாலமுருகன் நுகர்பொருள் சந்தையை கடந்து சிற்றிதழ்கள் வெற்றியடைய வேண்டிய முன்வைத்து “அநங்கம்” என்றால் என்ன என்று கேட்பவர்களுக்கு அகராதியை புரட்டவேண்டியிருக்கிறது என்று வினவி, ஆகாயம் என்றபோது என் அரூபமான எண்ணப்பாடு

 

சிதைவுக்குள் உட்பட்டது. சுதந்திரமான வெளியை சிற்றிதழ்கள் அடையவேண்டும். வரலாற்றை புரட்டிப்பார்த்தால் (எனக்கு இப்போதெல்லாம் வரலாற்றை புரட்டும் போது ஒரு வித பயம் ஏற்படுகிறது) கடாரம் மண் பல எழுத்தாளர்களை உருவாக்கியிருக்கிறது. அந்த மண்ணில் ஒரு சிற்றிதழ் வரவேண்டும் என்ற எண்ணமும், ஆர்வமும்தான் காரணம். இதழின் நோக்கம், சிற்றிதழ்கள் எதிர் நோக்கும் பிரச்சினைகள் என்று சொற்களை கோர்க்கும் முன் தெரிந்து விழுந்தன வார்த்தைகள்

 

வெகுஜனப் பத்திரிக்கை தீவிரப்பத்திரிக்கையின் வேறுபாட்டை முன்வைத்து, வெகுஜனப் பத்ரிக்கையால் துண்டாப்பட்ட சிறுகதையை உள்ளடக்கி பேசிய மலேசிய மூத்த எழுத்தார் கோ.புண்ணியவான், வல்லினம் இதழ் பெண்ணியம், தலித்தியம் என சிற்றிதழ் தீவிரத்தை கோட்பாடு சார்ந்த இலக்கியங்களை முன்னிருத்துகிறது. பெண்ணியச் சிந்தனை வெளிவர இன்று அநங்கம், வல்லினம் இருக்கிறது என புதிய வெளி திறந்ததற்கான சாளரத்தை முன்நிறுத்தினார்.;

 

மூகமூடிகளை கலைந்து மகிழ்ச்சிக்குரிய பயணம்  என்றுச் சொல்லி, மலேசிய கவிதை இதழமான “மௌனம்”-த்தின் நிலைப்பாடும் போக்கும் கவிதை குறித்த தீவிரம், அதற்கான புரிதல் களம் என்ற செய்திகளை எழுத்தாளரும் “மௌனம்” இதழின் ஆசிரியருமான ஜாசின் தேவராஜ் இறுக்கம் தளர்ந்து மிக சுருக்கமாக பேசினார்

 

அநங்கம் இதழுக்கு வலுவான தொடக்கமாக  இருந்த சிறுகதைகளை சுட்டி வெளிவந்த மூன்று இதழ்களுக்கான சிறுகதைகளை   சிங்கப்ப+ர் எழுத்தாளர் ஜெயந்தி சங்கர் அவர் எழுதிய சிறுகதையையும் முன்வைத்து, அந்தந்த சிறுகதையின் பயணப் போக்கில் பயணப்பட சிங்கப்பூர் எழுத்தாளர் இராம.கண்ணபிரான் அநங்கம் பத்திகளை முன்வைத்து அவரது கருத்துக்களை பகிர்ந்துகொண்டார். 

 

நிறைவான கலந்துரையாடலின்  நிறைவற்ற தேகத்தோடு மறுநாள் விடிந்தது.

 

○ பாண்டித்துரை

©pandiidurai@yahoo.com