இரண்டு பேருந்து மாறிச் செல்லும் தூரத்தில்
நகரத்தின் கடைசியில் இருக்கிறது
யமுனா வீட்டில்
யமுனா
யமுனாவின் அம்மாவோடு
நாய்க்குட்டியும் இருக்கிறது
ஞாயிற்றுக் கிழமையில்
வாசு அண்ணா வந்து செல்கிறான்
வெளிப்புற கிரில்கதவு சாத்தப்பட்டு
உயரத்தில் கொக்கி மாட்டப்பட்டிருக்க
தபால்காரன் வருகையும்
பால்காரன் வருகையும்
அரிதாகிப் போன நாட்களில்
அபூர்வமாய் யாரேனும்
வழி தவறி விசாரிக்க வந்தால்
கீரிச்சிடும் கிரில் சப்தத்தில்
வீறிடும் நாய்க்குட்டியோடு
யமுனாவும் சேர்ந்து கொள்கிறாள்
நன்றி: மௌனம் – ஜனவரி 2011 (மலேசியா)
இனிஆரம்பம்... 